Mediestøtte

Tilskot til samiske nyheits- og aktualitetsmedium

Tilskottsordninga skal legge til rette for demokratisk debatt og meiningsdanning i dei samiske samfunnet og stimulere til produksjon av at breitt journalistisk innhald retta mot den samiske befolkninga, i tillegg til å fremme utvikling av dei samiske språka.

For å få støtte må media ha den samiske befolkninga som hovudmålgruppe, eller fast og regelmessig publisere samiskspråkleg nyheits- og aktualitetsinnhald.

Søknadsfrist: 22.april 2026

Medietilsynet administrerer og saksbehandlar støtteordninga ved å motta søknader, kartlegge kven som kvalifiserer til å motta støtte og vedtek kven som skal få støtte og kor mykje kvar enkelt søker skal få.

Frå og med 01.januar 2026 er det ei ny forskrift som regulerer tilskottet. Ordninga er nå plattformnøytral, og er derfor meir tilpassa den digitale kvardagen ved at medium kan bidra til å bevare og utvikle dei samiske språka også digitalt.

Den nye forskrifta har fleire likskapstrekk med «Forskrift om produksjonstilskott til nyheits- og aktualitetsmedium» enn den førre, og inneheld krav til blant anna eigenproduserte saker, abonnementstal og redaksjonelle årsverk.

Løyvinga skal framleis delast på produksjonstilskott og tilskott til enkeltsaker på samisk.

For å gi insentiv til fleire saker på samisk opnar den nye forskrifta for fleire samiske språk enn dei som var inkludert i den gamle ordninga. Tidlegare var det avissider skrive på lule- eller sørsamisk som kunne få tilskott for eigenprodusert stoff. Frå 2026 blir også inkludert nordsamisk, pitesamisk, umesamisk og austsamisk/skoltesamisk i ordninga, og kvart enkelt medium får berekna tilskott på grunnlag av del samiske saker av alle saker. Sakene må ha vore publiserte fast og regelmessig siste kalenderår før tilskottsåret.

Tilskott til saker på samiske språk kan utgjere til saman inntil åtte prosent av løyvinga for kvart enkelt år, ein auke frå tidlegare forskrift der grensa var på inntil fire prosent.

Produksjonstilskottet vil framleis vere den største delen av tilskottet, og i den nye ordninga skilst det på høgfrekvente og lågfrekvente nyheits- og aktualitetsmedium. Kva tilskottsgruppe kvart enkelt medium tilhøyrer blir avgjort av abonnementstal, talet på eigenproduserte saker i året og per veke, og redaksjonelle årsverk. Vektinga mellom grunntilskott og variabelt tilskott er også ulik i høg- og lågfrekvent tilskottsgruppe.

Tildeling av midlar vil skje i løpet av hausten 2026.

Tilskot etter denne forskrifta blir gitt til samiske nyheits- og aktualitetsmedium som:

har som hovudformål å drive løpande journalistisk produksjon og formidling av nyheiter, aktualitetsstoff og samfunnsdebatt til allmenta
blir gitt ut i Norge
er redaksjonelt sjølvstendig
har ein ansvarleg redaktør, jf. medieansvarslova § 3 første ledd bokstav a, med ansvar og fridom i tråd med denne lova og som har slutta seg til allment aksepterte presseetiske standardar.
tar reell betaling for nyheits-, aktualitets- og debattstoff og annonsar etter ein offentleg tilgjengeleg prisliste
har berekna laussal som utgjer mindre enn halvparten av berekna abonnementstal
har minst 700 i abonnementstal
publiserer minst fem eigenproduserte redaksjonelle saker per veke i minimum 48 av årets veker
publiserer minst 480 eigenproduserte redaksjonelle saker per år

Vilkåra ovanfor må ha vere oppfylt i minst eitt kalenderår før tilskott kan bli gitt.

Til og med tilskottsåret 2027 kan eit nyheits- og aktualitetsmedium få tilskott dersom det har publisert 48 papirutgåver siste kalenderår, sjølv om det ikkje oppfyller vilkåra om eigenproduserte redaksjonelle saker som beskrive i dei to siste punkta over.

Samiske medium som kan få produksjonstilskott må i tillegg ha det samiske folket i Noreg som hovudmålgruppe, og ha ei brei journalistisk dekning av ulike samfunnsområde, slik at ein stor del av dei samla redaksjonelle innhalda i mediet består av dagsaktuelt nyheits- og aktualitetsstoff som dekker demokratisk eller politisk relevante tema innanfor det samiske samfunnet. Media som kan få produksjonstilskott vil plasserast enten i gruppe for lågfrekvent eller høgfrekvent, basert på abonnementstal, talet på og hyppigheit knytt til eigenproduserte saker, og talet på redaksjonelle årsverk.

Samiske medium som kan få tilskott til eigenproduserte saker på samiske språk må fast og regelmessig publisere saker på nordsamisk, lulesamisk, sørsamisk, pitesamisk, umesamisk eller austsamisk/skoltesamisk.

I tillegg til overnemnde vilkår knytte til kva medium som kan søke om tilskott, er det også ei rekke andre føresegner som må innfriast for å få godkjent søknad. Alle gjeldande vilkår er å lese i forskrift om tilskott til samiske nyheits- og aktualitetsmedium.

Rettleiing og regelverk for ordninga:

Søknadsprosessen:

Slik søker du om tilskott til samiske nyheits- og aktualitetsmedium

Øvrige nyttige lenke:

For spørsmål, ta kontakt med tilskuddsamiskemedier@medietilsynet.no

Miniatyr - lovtekst til tekst 60x60.png Regelverk knyttet til mediestøtte

Miniatyr - skjema til tekst 60x60.png Alle mediestøtteordninger