Nyhetssaker
Sámi aviissat ožžot lagabuidda 43 miljovnna ruvnno doarjjan
Medietilsynet (Mediabearráigeahčču) lea juohkán doarjaga aviissaide mat čalmmustahttet sámi čállingielaid. Dat njeallje aviissa Ávvir, Ságat, Snåsningen ja NordSalten Avis ožžot oktiibuot 42 760 000 Ruvnno doarjjan 2024:s.
Doarjjaortnet lea aviissaid várás man lea sámi álbmot deháleamos ulbmiljoavku, dahje aviissat geat bistevaččat ja jámma almmuhit ođđasiid ja áigeguovdilis áššiid sámegillii. Ulbmilin lea láhčit demokráhtalaš digaštallama, oaivilovdánahttima ja giellaovdáneami sámi servodagas.
– Doarjja veahkeha čalmmustahttit sámegielaid čállingiela. Dain aviissain lea dehálaš rolla sámegielaid bisuheapmái ja ovdáneapmái, lohká Hanne Sekkelsten, Medietilsynet (Mediabearráigeahču) ossodatdirektevra.
Buvttadandoarjja ja doarjja mildosiidda
Dan guovtti beaiveaviisii Ávvir ja Ságat addojuvvo nubbái 23 208 630 ruvnno ja nubbái 17 840 97 ruvnno buvttadandoarjjan. Ávvir almmuhuvvo davvisámegilli, ja Ságat almmuhuvvo fas dárogillii.
Dat guokte eará vuostáiváldi leat báikkálaš aviissat mat ožžot doarjaga Snåsningen oažžu 760 178 mildosiidda lullisámegillii, ja NordSalten Avis oažžu fas 950 222 mildosiidda julevsámegillii.
Eai leat ođđa ohccit 2024:s, ja NordSalten Avis lea ohcan sihke sámi aviissaid buvttadandoarjaga ja doarjaga aviisasiidduide julevsámegillii. Aviissa ohcan oažžut buvttadandoarjaga biehttaluvvo.
– Dat lea danne go Medietilsynet (Mediabearráigeahčču) oaivvilda aviissas ii leat sámi álbmot váldoulbmiljoavku. Aviisa oažžu nugo namuhuvvon doarjaga mildosiidda julevsámegillii.
