Nyhetssaker
Sámi aviissat sáhttet ohcat mediadoarjaga
Dál lea vejolašvuohta dán jagi ohcat doarjaga Mediabearráigeahčus sámi aviissaide ja sámegielat aviisasiidduide. Dán jagi juogaduvvo veaháš badjel 44 miljovnna ruvnno.
Doarjjaortnet lea jurddašuvvon aviissaide main lea sámi álbmot deháleamos ulbmiljoavku, dahje aviissaide mat fásta ja jeavddalaččat almmuhit sámegielat ođđasiid ja áigeguovdilis sisdoalu. Obbalaš doarjja dán jagi lea 44.385.000 ruvnno.
– Doarjja veahkeha oainnusmahttit sámi čállingielaid. Ulbmilin lea láhčit dili demokráhtalaš digaštallamii, oaiviliid hábmemii ja giellaovdáneapmái sámi servodagas, lohká Norgga Mediabearráigeahču láhka- ja regulerenossodaga direktevra Hanne Sekkelsten.
Ohcanáigemearri lea cuoŋománu 15. beaivvi.
Dat njeallje aviissa Ávvir, Ságat, Snåsningen ja NordSalten Avis ožžo doarjaga 2024:s.
– Aviissain main sámi álbmot lea olahanjoavku, lea dehálaš rolla giellaovdánahttimis sámi servodagas, dadjá Sekkelsten.
Mediabearráigeahčču gárvvista ohcamiid meannudeami čakčat.
Ohcanskovi gávnnat don dáppe.
Geahča sámi aviissaid doarjaga njuolggadusaid dáppe.
