Nyhetssaker
Samiske aviser kan søke om mediestøtte
Medietilsynet opnar nå for søknadene om støtte i år til samiske aviser og samiskspråklege avissider. I år skal det fordelast litt over 44 millionar kroner.
Støtteordninga er retta mot aviser som har den samiske befolkninga som viktigaste målgruppe, eller avisar som fast og regelmessig publiserer samiskspråkleg nyheits- og aktualitetsinnhald. Den samla støtta i år er på 44 385 000 kroner.
– Støtta bidrar til å gjere dei samiske skriftspråka meir synlege. Formålet er å legge til rette for demokratisk debatt, meiningsdanning og språkutvikling i det samiske samfunnet, seier Hanne Sekkelsten, direktør i juridisk og regulatorisk avdeling i Medietilsynet.
Søknadsfristen er 15. april.
Dei fire avisene Ávvir, Ságat, Snåsningen og NordSalten Avis fekk støtte i 2024.
– Avisar som har den samiske befolkninga som målgruppe speler ei viktig rolle for språkutviklinga i det samiske samfunnet, seier Sekkelsten.
Medietilsynet ferdigbehandlar søknadene til hausten.
Søknadsskjema finn du her.
Sjå forskrifta om tilskot til samiske aviser her.
