Organisasjon
Organisasjonskart og leiing
Medietilsynet held til i Fredrikstad og har cirka 40 årsverk. Medietilsynet har to fagavdelingar i tillegg til stabsfunksjonar, og blir leia av direktør Mari Velsand.
Avdelingar i Medietilsynet
Juridisk og regulatorisk avdeling
Avdelinga har ansvar for å sjå til at lover og forskrifter på medieområdet blir følgde og for å føre tilsyn med dette. Avdelinga forvaltar mediepolitiske verkemiddel, som direkte mediestøtteordningar og løyving av kringkastingskonsesjonar. Vidare arbeider avdelinga med å utvikle regelverk og følger opp kontakten med internasjonale myndigheiter på mediefeltet.
Avdeling for innsikt og analyse
Avdelinga har ansvar for datahandtering, innsikt/analyse og utgreiing på tvers av alle fagområde i Medietilsynet. Dette inkluderer blant anna følgande område: marknadsøkonomi/marknadstrendar, barn og medium, kritisk medieforståing, mediemangfald, teknologi, internasjonal utvikling/globale aktørar.
Stabsfunksjonar
Medietilsynet har tre stabsfunksjonar: kommunikasjon, teknologi og administrasjon.
Frå 1. januar 2023 løyser Arkivverket ein del av Medietilsynets administrative oppgåver knytte til lønn, rekneskap, økonomirapportering, personaladministrasjon og arkiv.
Leiinga
Direktør Mari Velsand
Mari Velsand har vore direktør i Medietilsynet sidan 2017. Ho har tidlegare lang leiarerfaring frå mediebransjen, blant anna som konserndirektør i Amedia, konsernsjef i Tun Media, sjefredaktør i Nationen og programdirektør i NRK. Ho har også jobba som journalist i fleire medium. Mari har utdanning frå Norsk Journalisthøgskole og ein mastergrad i leiing frå BI.
Hanne Nistad Sekkelsten, avdelingsdirektør (juridisk og regulatorisk avdeling)
Hanne Sekkelsten er utdanna jurist frå Universitetet i Oslo og starta i Medietilsynet i 2010. I 2018 blei ho avdelingsdirektør etter å ha fungert i stillinga sidan 2017. Sekkelsten har variert erfaring frå ulike offentlege forvaltningsinstansar, blant anna frå Fylkesmannen i Østfold. Ho har også arbeidd som advokat i advokatfirmaet Din Advokatpartner AS, før ho blei tilsett i Medietilsynet i 2010.
Cesilie Askevold Bollingmo, avdelingsdirektør (innsikt og analyse)
Askevold Bollingmo starta i Medietilsynet i august 2023. Ho har jobba i Kantar sidan 2008 og hatt leiaransvar dei siste tolv åra. Askevold Bollingmo har lang erfaring både frå media og innsikts- og analysearbeid. Ho har tidlegare jobba blant anna som marknadssjef og opplagssjef med it og økonomi.
Vegard Østhagen, teknologileder
Østhagen starta i Medietilsynet i januar 2025. Han kom frå konsulentselskapet Habberstad AS, hvor han jobba med teknologi og digitalisering.
Han har også erfaring fra disse fagområdene i statlig sektor, blant anat i Jernbanedirektoratet. Av utdanning har han ein bachelorgrad i forvaltningsinformatikk og ein mastergrad i IT og ledelse.